Суди ми, Господи, яко аз незлобою моею ходих: и на Господа уповая не изнемогу.Искуси мя, Господи, и испытай мя, разжжи утробы моя и сердце мое.Яко милость Твоя пред очима моима есть, и благоугодих во истине Твоей.Не седох с сонмом суетным, и со законопреступными не вниду.Возненавидех церковь лукавнующих, и с нечестивыми не сяду.Умыю в неповинных руце мои, и обыду жертвенник Твой, Господи,еже услышати ми глас хвалы Твоея и поведати вся чудеса Твоя.Господи, возлюбих благолепие дому Твоего и место селения славы Твоея.Да не погубиши с нечестивыми душу мою и с мужи кровей живот мой,ихже в руку беззакония, десница их исполнися мзды.Аз же незлобою моею ходих: избави мя, Господи, и помилуй мя.Нога моя ста на правоте: в церквах благословлю Тя, Господи.
Дочитали главу
Писание читают и разбирают вместе. Если хочется не только прочесть, но и понять, с кем-то рядом — у нас есть библейские группы и курсы.