Разума Давиду, внегда быти ему в вертепе молящемуся.Гласом моим ко Господу воззвах, гласом моим ко Господу помолихся.Пролию пред Ним моление мое, печаль мою пред ним возвещу.Внегда изчезати от мене духу моему, и ты познал еси стези моя: на пути сем, по немуже хождах, скрыша сеть мне.Сматрях одесную и возглядах, и не бе знаяй мене: погибе бегство от мене, и несть взыскаяй душу мою.Воззвах к Тебе, Господи, рех: Ты еси упование мое, часть моя еси на земли живых.Вонми молению моему, яко смирихся зело: избави мя от гонящих мя, яко укрепишася паче мене. Изведи из темницы душу мою, исповедатися имени Твоему: мене ждут праведницы, дондеже воздаси мне.
Дочитали главу
Писание читают и разбирают вместе. Если хочется не только прочесть, но и понять, с кем-то рядом — у нас есть библейские группы и курсы.