Господь пасет мя, и ничтоже мя лишит.На месте злачне, тамо всели мя, на воде покойне воспита мя.Душу мою обрати, настави мя на стези правды, имене ради Своего.Аще бо и пойду посреде сени смертныя, не убоюся зла, яко Ты со мною еси: жезл Твой и палица Твоя, та мя утешиста.Уготовал еси предо мною трапезу сопротив стужающым мне: умастил еси елеом главу мою, и чаша твоя упоявающи мя, яко державна.И милость Твоя поженет мя вся дни живота моего, и еже вселитимися в дом Господень в долготу дний.
Дочитали главу
Писание читают и разбирают вместе. Если хочется не только прочесть, но и понять, с кем-то рядом — у нас есть библейские группы и курсы.